Пушкин картазын долдурарынга база ону ажыглаарынга үлегер айтыышкынны силерге бараалгаттывыс

1. Баштай «Госуслуги» порталда тургустунуп алганын хынап көөр. Ында тургустунмаан болза четкиже кирип долдургаш, бадыткаар. Ону аңгы-аңгы аргалар-биле кылып болур, Госуслугиден «бо-ла салыр айтырыглар» деп кезектен тодаргай номчуп таныжып ап болур силер.

2. Долдургаш, бадыткаан соонда GooglePlay азы AppStore таварыштыр «Госуслуги. Культура» деп капсырылганы кииртип алыр. Капсырылгаже «Госуслуги» таварыштыр берген логин, парольду ажыглап кирер силер.

3. Оон соонда силерден Пушкин картазын үндүреринге бадыткалды айтырар. Оон виртуал хевирде адыңарны бижээн картаның ээзи болур силер. Ында уран-чүүлдун хемчеглерин барып көруп болур 3000 акша киир санаттынган. Виртуал карта «Счет» деп вкладкага кирип көрүп болур.

4. 2021 чылдың октябрь 1-ден пластик Пушкин картазын Почта Банкызының салбырынга бодуңарны шынзыткан документинерни (паспорт азы СНИЛС) көргүскеш, ап болур.

5. Ам хемчеглерни шилип болур силер. «Культура. РФ» азы «Госуслуги. Культура» сайтыларындан Пушкин картазын ажыглап, чарлалда билдингир хемчеглерже барып болур. Ону көөрде «Тыва» деп бижиптериңерге культура албан черлериниң данзызы көступ келир — Тыва Республиканың Национал музейин шилип алыр силер – дараазында «События» деп одуругну баскаш, Пушкин картазы-биле төлээр силерге солун болган хемчеглерни шилип алыр силер.

6. Билеттерни садып ап болур силер! Билет садып алыры өске порталдарда садыглажыышкын чурумундан кандыг-даа ылгал чок. Шилиттинген хемчегже ээзиниң адында билеттер Пушкин картазы-биле төлеттинип, силерниң электроннуг почтаңарга чедип келир. Кассир силерниң биледиңерде QR-кодту кирер үенерде сканерлеп алыр (дорт телефондан база болур). Кажан пластик картаңар болу бээрге музейниң кассазындан билеттерни дорт садып ап болур силер.