Тыва Республиканың Национал музейниң ажылдакчылары «Эки дузалакчы» деп диктантыны бижээннер

Ноябрь 1 республикада Тыва дылдың хүнү кылдыр чарлаттынган. Тыва дыл хүнү 2016 чылда тургустунган, бо байырлалдың тыптып келген сорулгалары дээрге, төрээн дылывысты күруне дылы болгаш өгбелеривистен дамчып келген салгал кылдыр хумагалаары, деткиири, делгередири.

Чурагайга тускай хүннү тодарадыры-биле саналды Тываның Улустуң чогаалчызы Александр Даржай ол үеде киирген турган. Чогаалчывыстың бодалы-биле кандыг-даа бижимел чогаалы чоннуң аас-дыл чогаадылгазы кавайындан үнер.

Байырлал уткуштур бүгу республикада янзы-бүрү хемчеглер, диктантылар, чоннуң чогаалчылары-биле ужуражылгалар, ыры мөөрейлери болгаш ном делгелгелери калбаа-биле болуп эртип турлар.

Тыва Республиканың Национал музейниң ажылдакчылары «Эки дузалакчы» деп диктантыны бижээннер. Аңаа 20 кижи киришкен, чамдыктары түңнелинде чаңгыс-даа частырыг чок болганнар! Оларны ноябрь 1-де Интернет четкизи таварыштыр шаңнаар.