Тыва дыл

Тывада бо хун онзагай хүн. Алды чыл бурунгаар, ноябрь 1-ниӊ хүнүн «Тыва дылдыӊ хүнү» кылдыр республикага доктааткан.
Мындыг шиитпирни тыва чоннуӊ культуразыныӊ бир чардынмас кезээ, күрүне дылы – тыва дылды кадагалап, сайзырадыр сорулга-биле 2016 чылдыӊ январь 18-те үнген Тыва Республиканыӊ Доктаалынга хүлээп алган.
Тыва дылдыӊ хүнүн демдеглеп доктаадыр идигни Тываныӊ Улустуӊ чогаалчызы Александр Даржай үндүрген. Чогаалчыныӊ бодалы-биле алырга, бижик бүрүзү улустуӊ аас-чогаалыныӊ кавайындан үндезилеттинер.
Бо хүнге тураскаадып, республикада янзы-бүрү хемчеглерни эрттирип турар — диктанты бижиири, чогаалчылар-биле ужуражылгалар, ыры мѳѳрейлери, ном саӊнары дээш оон-даа ѳске.

Бо байырлалга уткуштур Нацинал музейниӊ ажылдакчылары база идепкейлиг киришкеннер. «Эки дузалакчы» деп диктантыны киржикчилер бижээн. Интернет четкизин таварыштыр аӊ-меӊ, куштар,үнүштер болгаш тыва эдилелдер, черлер аттарыныӊ тыва аттарын адап-тывар мѳѳрейге тиилекчилер шылгарап үнген: Хомушку Мария, Ондар Лера. Ноябрь 7 соонда, тиилекчилерге белектерни сунуп, шаӊнаар бис.
Музейниӊ библиотеказы «Тыва дылдың шинчээчилери» деп делгелгени оганизастаан. База ол ышкаш «тѳѳгү болгаш этнография» килдизиниӊ ажылдакчылары «Тыва дылдыӊ хүнүнге» тураскаадып, дылга хамаарышкан тыва үлегер домактарны белеткээннер.
Байырлал-биле, хүндүлүг чаӊгыс чер-чурттугларывыс!