Кажыкты кажан ойнап эгелээнил

Кажыкты кажан ойнап эгелээнил

кем | размещено в: Без рубрики, Новости, Отдел учета, хранения и реставрации | 0

Кажык-биле ойнаар чорук амгы тываларныӊ, алтай болгаш хакастарныӊ бурунгу өгбелериниӊ ойнап чораан оюннарыныӊ бирээзи. Оон тодаргай херечизи болза, ук черлерден каскан эрте-бурунгунуӊ базырыктарындан тыпкылаан хөй санныг кажыктары болур. Хакассияныӊ Уйбат Чаа-Тазы деп черде бистиӊ эраныӊ мурнунда III векте тургускан базырыктан (Кызласов Л.Р.). Алдайныӊ Базырык деп черге 1200 чыл бурунгаар. (Грязнов М.П.)  Тываныӊ Саглыга бурунгу тӯрктернин 2500 чыл, Кара-Хол, Монгун-Тайгага 1300 чыл, Улуг-Хем девискээринге 1200 чыл (Грач А.Д.) бурунгаар тургускулаан базырыктардан хөй-хөй кажыктар тывылгылаан. Ол ышкаш бурунгу тываларныӊ XVIII-XIX вектерде тургускан базырыктарынга кажыктар база чыткылаан. Моон алгаш көөрге, «кажык-биле ойнаар чорук барык-ла 2000 ажыг чыл иштинде туруп келген.

Базырыктардан тывылган кажыктарны шинчилеп көөрге, хөй-хөй кижилерниӊ холун дамчып эрткени илдеӊ, мырынай хоюгланып, уштары мугурарып калгылаан. Ону дөжек-ширтек азы алгы-кырынга чылдыр идип, ойнап турганы илдеӊ. Ол ышкаш чамдык кажыктарны топтап көөрге, уттеп , «хой» чарыынга янзы-буру демдектерни чуруп, кырлаӊнарын кертип, «аът» болгаш «инек» чартыын аажок хоюгландыр дурбуп каапканы илдеӊ. Ол шыйыг демдектер VII-VIII вектерде тургускан кыргыс базырыктардан тывылган малгаш аяк-саваларга шыйып каан «таӊмаларга» (бурун шагда ужуктерни «таӊмалар» дээр турган) дөмейлери база бар.

Бир чамдык кажыктарда шыйып демдектээн чуулдер орхон-енисейниӊ болгаш тангыт (тибет) бижиктерниӊ ужуктеринге дөмей болгулаан. Ол янзы-буру шыйыгларны эртем номнарынга таӊмалар деп адап турар.

Бурунгу кижилер кажык-биле кандыг-бир оюнну ойнап турган-дыр дээрден башка, чогум-на ындыг оюннар ойнап турган, ады, дуруму ындыг турган деп бадыткаары берге. Ынчалза-даа бурунгу тоолдарда «кажык кагар», «кажык адар», «кажыктаар» деп состер таваржып турар.

Бистиӊ бурунгу тоолдарывысты эртемденнер турк уезинге (VI-X вв.) хамаарыштырып турар болгай. Бо болза кажык оюну ол уеде-ле турган дээрзиниӊ база бир херечизи ол.

Амгы тывалар XX вектиӊ 30-40 чылдарынга чедир кажыкты улуг сонуургал-биле ойнап келген (чамдык районнарда амдаа ойнап турар).

Тыва оюннар – Иргит САМБУ ар.62-64 Тываныӊ национал музейниӊ. Ховар номнар шыгжамырыныӊ ажылдакчызы. Дамба Ш.О.