Версия для слабовидящих
Монгуш Кенин-Лопсан (1925-2022) – Тываныӊ ат-сураглыг кижилериниӊ бирээзи. Ол чыргал оранынче аъттаныпкан-даа болза, ооӊ арттырып каан ажыл-чорудулгазы, хѳй санныг номнары, эртем ажылдары канчаар-даа аажок улуг ужур-дузалыг. Ооӊ ады чүгле Тывада эвес, а даштыкыда база билдингир. Монгуш Бораховичииӊ шинчилеп кааны тыва хам чүдүлгезиниӊ тѳѳгүзүн соонургап, ѳѳренип шинчилээри-биле делегейниӊ кайы-даа булуӊундан аалчылар кээп турар. Ажыл-ишчи чылдарыныӊ хѳй кезиин Алда-Маадыр аттыг музейге эрттирип, музейнин бурунгаар хѳгжүлдезинге улуг үлүг-хуузун киириштирген. Музейниӊ фондуларында ооӊ чыгганы үнелиг, тѳѳгүлүг материалдар кайы кѳвей.
Монгуш Кенин-Лопсанныӊ аажыл-чорудулгазыныӊ дугайында музейде тускай зал дериттинип кылдынган. Ону кѳрүп, сонуургап кээриӊерни чаладывыс!
Монгуш Ч.А-С., музейниӊ методизи
https://vk.com/museumtuva?z=video-30861506_456239737%2Fln-XoJHoSkWhNBCtvSKoQ%2Fpl_wall_-30861506