Версия для слабовидящих
Тыва Республиканың Алдан-Маадыр аттыг Национал музейинге январьның 19-та дүштекиниң 14 шакта Станислав Кужугетович Сереноттуң «Чжуд-Ши. Тибет медицинаның хажыттынмас дүрүмнер чыындызы» деп эртем-шинчилел номунуң таныштырылгазы болуп эрттер. Тываның чонунга, сарыг-шажының чүдүкчүлеринге база сургуулдарга, эртем-шинчилел болгаш культура, кадык-камгалал яамыларның ажылдакчыларынга база улусчу эмнээшкинни ол ышкаш тибет медицинаны сонуургап чоруур номчукчуларга тураскааткан.
Тыва Республиканың кадык-камгалалының алдарлыг ажылдакчызы С.К. Сереноттуң тыва дылче очулдурган «Чжуд-Ши. Тибет медицинаның хажыттынмас дүрүмнер чыындызы» деп номда авторнуң чүгле бодунуң кылып чоруткан эмнээшкининиң дуржулгазы, хайгааралдары-биле харылзаштырбайн, а долгандыр турар бойдус-биле база шажын-биле сырый холбаалыг бижээн. Кижиниң мага-бодунуң тургузуу, аарыгларның тыптып кээр чылдагааннары, оларны янзы-бүрү аргалар-биле тодарадыры, эмнээри болгаш аарыгны тывылдырбазы-биле чүнү кылырыл, кадыкшыл деп чүл болгаш ɵске-даа айтырыгларга тодазы-биле харыылап, чажыт ɵɵредиг (тантра) кылдыр тайылбырны дамчыдып берип турар.
Тыва дылда үнүп турар «Чжуд-Ши» номдан чаңгыс чер-чурттугларывыс боттарының кадыкшылын ɵɵренип, узун назылаарынга хамаарыштыр дыка хɵй ажыктыг чүүлдерни билип аап болур.
Болур-чери: музейниң конференц-залы
Болур хүнү болгаш шагы: 2024 чылдың январь 19, 14.00 шак
#тыватөөгү #тывакультура #тывамузей #төөгү #музей #национальныймузей #тува #тыва #история #археология #нмрт #культуратувы #минкультуры_тыва#ритальныепредметы
#НациональныймузейРеспубликиТыва
