“Тыва хуу аттарының төөгүзү”

Тыва Республиканың Национал музейинге, бо чылдың октябрь 31-де, “Төрээн тыва дылывыс хүннүнге” уткуштур дыл эртемдени Чургуй-оол Михайлович Доржунуң “Тыва улустуң хуу аттарының төөгүзү” деп номунга, Кызылдың башкы колледж 2-ги курсчу студентилери башкызы-биле Шеңне Сүтсүгбеевна Монгуш 25 кижи, база Кызыл хоорайның №2 школаның 6 –гы клазының өөреникчилери-биле башкызы Сайсуу Алексеевна Куулар-биле, база Оксана Кызыл-ооловна Тюлюш Элегест суурнуң ортумак школазының тыва дыд башкызы биле, музейниң бойдус болгаш чурт-шинчилел салбырының ажылдакчылары, таныштырылга-ужуражылганы эрттирген.

Чыылган сургуулдарга, эртемдениң “Тыва хуу аттарының төөгүзүн” кыска чедимчелдиг, бурунгу түрк өгбелеривистиң көжээ-хаяларда аттарының дугайында, тыва маадырлыг тоолдарда, аң-мең аңныыр, мал ажыл агый-биле холбашкан аттар дугайында музейниң хоочуну Биче-оол Салчакович Майны таныштырган. Аалчыларывыс студент-сургуулдарывыс биле айтырыг-харыы биле оларның бичиизинде шола аттарын айтырып база онзагай чараш төөгүлүг тыва аттарлыг уругларывыс барын чоргаарланып, салбырның эргелекчизи Тыва Республиканың культуразының алдарлыг ажыдакчызы, биология эртеминиң кандидады Лаида Кара-ооловна Монгуш, “Ономастика” эртеминиң дугайында таныштырып чугааны кылган. Студент-сургуулдарга бичии хемчээлдиг кижилер аттары биле холбашкан аң-мең, куштарның чучело-хойуткузун көргүскен, делгелгени Валерия Чаш-ооловна Донгак биле Ольга Владимировна Саая тайылбырлап эртирген. Сургуулдар “Өгбе чагыы” деп үлегер домактар, тывызыктар, кижиниң мөзү-бүдүжүнге айтырыгларны харыылап, солун чугааны кылган. Бо хемчег музей кичээлинге шупту 45 кижи олурушкан оларның 25 студент, 13 школачылар, 7 улуг кижилер киришкен.