Национал музейге Тываның күрүне университединиң куш-культура кафедразының доцент башкызы, педагогика эртемнериниң кандидады (1985), тыва хүрештиң нептеридикчизи болгаш хоочунну, Тываның спортчу төөгузунде бир дугаар «ССРЭ-ниң спорт мастери» деп атты «хостуг хүрешке» чаалап алган (1968) Ондар Өргелээр Чүвүрекович-биле «Оваа дагылгазы үезинде тыва хүреш дугайында езулал-чаңчылдар» деп ужуражылга болуп эрткен.
Хемчегге Кызыл хоорайның 4 дугаар школазының 10-гу клазының өөреникчилери киришкен. Оларга башкы тыва оюннар хүреш, кажык, тевектиң езу-дүрүмнериниң дугайында чугаалап, канчаар ойнаарын көргүзүп мастер-класс эртирген.

