«Дунеки музейниң» аалчызы

Бүгү делегей чергелиг «Дүнеки музей» деп акция тыва музейге июнь 3-те болуп эрткен. Музейниң көрүкчүлери залдарда делгелгелерден аңгыда, янзы-бүрү бичежек, түр када делгээн делгелгелерни, ат-алдарлыг болгаш билдингир кижилер-биле ужуружулгаларны, аңгы-аңгы солун оюн-тоглааны көөр аргалыг болганнар. Бо кежээниң база бир хүндүлүг аалчызы, Тываның Алдарлыг артизи, национал спорт хевирлери — тыва хурештиң, аът чарыжының, ча адарының кайгамчыктыг чарлакчызы болгаш эттирикчизи, республиканың уран-чүүл төвүнүң концерт уткарар талазы-биле ажылдакчызы Айдың Шораанович Монгуш, чон аразында ады — Ишкин оглу, болган. Бо онзагай кежээ бистиң музейниң аалчылары, ынак артизивис Ишкин оглунуң чогаадыкчы ажыл-ижиниң мөгейикчилери хөйү-биле чыглып кээп, ооң боду-биле дорт ужуражыр аас-кежиктиг болганнар. Айдың Шораанович-биле ужуражылга солун болгаш аныяк өскеннерге улуг үлегер-чижектиг болганы өөрүнчүг. Ол бодунуң бичии чораанын, өг-бүлезин, чер-чуттунуң дугайын база чогаадыкчы ажыл-ижиниң эге базымнарын чоннунга таныштырган. Көрүкчүлерниң дилээ-биле ынак ырызын күүседип берип, оларның хөй санныг айтырыгларынга харыылап, келир үеде ажыл-хожулунуң дугайында чугаалашкан. Тыва музейниң коллективиниң мурнундан алдарлыг артизивис-биле моон-даа сонгаар сырый харылзаалыг ажылдаарынга идегеп, өөрүп четтиргенивисти илередип, ооң чогаадыкчы ажыл-ижинге, амыдырал-чуртталгазынга улуг-улуг чедиишкиннерни кузеп артывыс.

Монгуш Ш.Х., методист отдела истории и этнографии НМ РТ