Версия для слабовидящих
2021 чылдан эгелеп Россия Федерациязының Президентизиниң Айтыышкыны-биле тургустунган чугула өг-бүле байырлалын — Ада хүнүн демдеглеп турар. Байырлалды октябрьның үш дугаар улуг-хүнүнде өг-бүлениң институдун быжыглаар болгаш уругларның кижидилгезинге төрээн ада кижиниң чугулазын бедидер сорулгалыг эрттирип турар.
Хүндүлүг бистиң адаларывыс!
Кайгамчык байырлал — Ада хүнүнде чуректиң ханызындан эң-не чылыг чымчак күзээшкиннерлиг байырны чедирип тур бис! Өг-бүледе ава өг-бүлениң одааның кадагалакчызы, а ада бодунуң социал ат-алдары-биле база бүдүжүнден кол камгалакчызы болгаш өг-бүлениң азыракчызы болур. Ада болуру чер кырында эр кижиниң эң-не төлептиг болгаш чугула хүлээлгези. Ынчангаш чугле ада кижи чаш уругнуң шынчы, патриотчу, чаагай сеткилдиг болгаш эр соруктуг болур шынарларны тургузуп хевирлээр.
Шупту адаларга быжыг кадыкшылды, аас-кежикти, сайзыралды, чаагай чорукту кузедивис! Бажың-балгадыңарга кезээде өөрүшкү болгаш уругларның каткызы долуп турзун!